Pulezidenti wa Uganda Peoples Congress – UPC Jimmy Akena avuddeyo nategeeza nti erinnya lye ssaako nerya mukyala we Minisita avunaanyizibwa ku kikula ky’Abantu Betty Amongi gakiddwa ku nkalala z’abalonzi.
Amongi yasaba okukyuusa walondera okuva mu Disitulikiti y’e Oyama okudda mu Lira City asobola okuvuganya ku kifo ky’Omubaka omukyala ekirimu Minisita w’ebyobulamu Dr. Jane Ruth Aceng Ocero. Akena agamba nti alondedde mu Kibuga Lira emirundi ena kati yebuuze engeri erinnya lye gyeryagiddwamu.
Wabula omwogezi w’Akakiiko k’ebyokulonda aketengeredde aka Independent Electoral Commission Uganda Paul Bukenya avuddeyo nategeeza nti buno bulimba bwankukunala kuba ebikwata ku bano bombi mwebiri mu nkalala zaabwe.
#ffemmwemmweffe

Eyaliko Ssenkulu wa Makerere University Business School Prof. Waswa Balunywa asindikiddwa ku alimanda mu Kkoomera e Luzira ku bigambibwa nti yakozesa bubi offiisi ye wakati wa February – April 2023 bweyawa abantu 3 emirimu mu bifo ebyobukulembeze ku MUBS nga tebalina buyigirize bubaweesa bifo bino.
Oludda oluwaabi lugamba nti kino kyafiiriza Gavumenti ensimbi ezasaasanyizibwa ku bantu abatalina bisaanyizo.
Bya Christina Nabatanzi
#ffemmwemmweffe

Olunaku olwaleero Rtd. Col.Dr. Kizza Besigye wamu n’omuyambi we Hajji Obeid Lutale Kamulegeya tebalabiseeko mu maaso g’omulamuzi Emmanuel Baguma wabula baweerezza bbaluwa ereeteddwa ekitongole kya makomera wabula akulira Bannamateeka baabwe Martha Karua ategeezezza nti kino abadde takimanyiiko.
Deputy Director of Public Prosecutions Lino Anguzu ategeezezza nti okuwulira omusango guno tekusobola kugenda mu maaso. Omulamuzi ategeezezza nti omusango gwakuddamu okuwulirwa nga 1-Ocotber.
Ye munaabwe Sgt Dennis Oola abaddewo mu Kkooti.
Bya Christina Nabatanzi
#ffemmwemmweffe