Omubaka omukyala owa Kampala Munnakibiina kya National Unity Platform – NUP era Munnamateeka Shamim Malende akomyeewo enkya yaleero okuva mu Ggwanga lya Kenya mu Kibuga Nairobi gyabadde yagenda okufuna obujanjabi mu Ddwaliro lya Aga Khan. Ono ayaniriziddwa ku Kisaawe kyennyonyi Entebe abawagizi be wamu ne mikwano gye.

Munnamateeka Male-kiwanuka Mabiriizi yatandikidde weyakoma, olwavudde mu nkomyo ku lwomukaaga olwaleero akedde ku Kkooti y’Omulamuzi e Mengo ku misango 3 okuli ogwokugaana okumuwa Driving Permit ne Passport ebya Pulezidenti wa National Unity Platform – NUP Hon. Kyagulanyi Ssentamu Robert aka Bobi Wine wamu nobutamuwa bikwata ku ngeri ku ngeri gyebawaamu abakozi emirimu mu Judicial Service Commission mu 2021.

Pulezidenti wa National Unity Platform – NUP Hon. Kyagulanyi Ssentamu Robert aka Bobi Wine ; “Olwaleero, Hon. Ssegiriinya Muhammad ankyaliddeko mu maka gange e Magere. Mwanirizza era nemukulisaayo mu nkomyo gyeyaggalirwa mu bukyaamu okumala ebbanga eppanvu. Era nfunye essimu okuva ewa Hon. Allan Ssewanyana.

Banywanyi baffe bombi bangumizza nti bakyali ku mulamwa gwokununula Eggwanga era baliwo ku lwa demokulasiya.”

Omuwandiisi ow’enkalakkalira mu Minisitule evunaanyizibwa ku byobulimi, obulunzi wamu n’obuvubi Maj. Gen. (Rtd) David Kasura Kyomukama yakwasiddwa MV Palm ekiddyeeri ekipya ekyafuniddwa nga bayita mu National Oil Palm Project n’obuyambi okuva mu International Fund for Agricultural Development (IFAD). Ekidyeeri kino ekya MV Palm kyakukozesebwa okusaabaza wabantu wakati wa Kiyindi ne Buvuma era nga kitikka abantu 519 n’emotoka 25. Kino kyazimbiddwa Kkampuni ya M/S Songoro Marine Transport Limited.

Omukulembeze w’ekibiina ekitwala omupiira ogw’ebigere mu Ggwanga ekya Federation of Uganda Football Associations (FUFA) era Omubaka Hon. Eng. Moses Magogo avuddeyo ku bamuyeeya ku kifaananyi kye; “Emyaka 17 egiyise, nali nsambira Mutundwe Lions FC, nali FUFA Delegate, ngakolera African Development Bank Group, nga nina ddiguli ya Bsc. Hons. Eng (MUK). Ndi musanyufu negyenvudde wange, mpozzi owuwo yali atya?”

Pulezidenti Yoweri Kaguta Museveni; “Olunaku nalumaliddeko mu Acholi Sub-Region, nasoose kukyalako ku Modern Organic farm esangibwa mu Disitulikiti y’e Omoro. Nannyini yo Pascal Osire yawuliriza bulungi obubaka bwa National Resistance Movement – NRM obwokwegaggawaza (lonyo) mu maka gaffe. Mu myaka egitawera ebiri Osire asobodde okugaziya ennimiro ye eya yiika 4 kwalimira chili nga kati alina yiika ezisoba mu 250 nga kati kwalimira nokwongera omutindo ku; Gonja, Pepper, Cashew Nuts nebirala. Kino kyakulabirako ku ngeri gyosobola okuyitamu okugoba obwavu okugeza tandika ne yiika 1, labirira ekirime kyo, kungula bingo ofune ssente eziwera.”