Omulambo gwa Munnayuganda eyafiira mu Musisi eyayita mu Ggwanga lya Butuluuki, Florence Babirye enzaalwa y’e Lwengo gutikiddwa ku nnyonyi okukomezeebwawo ku butaka. Omubaka wa Yuganda mu Ggwanga lya Butuuluki, Tiperu Nusula saako n’abakulembeze ba Bannayuganda mu Ggwanga lino babaddewo ng’omubiri gw’omugezi gutikibwa ku nnyonyi.

Eggye lya UPDF livuddeyo neritegeeza nga bwerikoze ekikwekweto ku bayekera ba ADF mu Buvanjuba bwa DRC mu bitundu by’e Katanga okukakana ngerisse abayekera 5, neriwamba emmundu ekika kya SMG 4, amasasi, bbomu wamu n’ebyuuma ebikozesebwa mu byempuliziganya.

Pulezidenti Yoweri Kaguta Museveni; “Ku nsonga y’ebisiyaga, tugenda kufuna obudde obumala twogere ku nsonga eyo bulungi nnyo. Abali bebisiyaga baba bavudde ku kituufu ekimanyiddwa buli omu. Kyabutonde oba mbeera mwebakulidde? Tujja kwetaaga okuddamu ebibuuzo ebyo. Twetaaga okumanya saayansi agamba ki kwekyo.”

Pulezidenti Yoweri Kaguta Museveni avuddeyo olunaku olwaleero nalagira nti famire z’abayizi abafiiridde mu kabenje ku ssomero lya Kasaka Secondary school e Gomba buli emu eweebwe obukadde bwensimbi 5 ate buli muyizi eyalumiziddwa mu kabenje kano aweebwe akakadde 1. Bino abyogeredde Kololo mu kwogera kwe eri Palamenti.

Uganda Police Force mu Disitulikiti y’e Mbale ekutte omuntu omu ateeberezebwa okuba omubbi w’ente. Mu kikwekweto kyekimu Poliisi era yakutte emotoka ekika kya Noah nnamba UBD 698F ngeno yabadde etikiddwamu ente 3 eziteeberezebwa okuba enzibe ku luguudo lwa Mbale – Tororo.

Sipiika wa Palamenti Anita Annet Among avuddeyo nategeeza nga bweyaguze edda amabaati 500 gagenda okuddiza Offiisi ya Ssaabaminisita kuba tayagala kumwogerera nti yanyaga amabaati g’abantu abayinike e Karamoja.