Hon. Ibrahim Ssemujju Nganda omwogezi w’ekibiina kya Forum for Democratic Change; “Abajja mu bungi okumwaniriza, tebamwaniriza olwokuba nti bagamba nti kati bagenze okukizuula nti Muhoozi Kainerugaba mutabani wa (H.E) Museveni nti yasinga amagezi nti yasinga obumanyirivu okusobola okutambuza Uganda obulungi, naye bonna abasinga obungi bakikakasa nti tufugirwa ku mudumu gwa mmundu okufuna emirembe….. kyenkugambye nti bano abaaniriza Muhoozi ekirindi tebakikola nti balina kyebamuzuddemu nti omusajja ono Uganda yagenda okugifuula ensi naye babaza nti omusajja bwetukeera natadda?”

Omubaka akiikirira Gulu East Rev. Fr. Chalres Onen avuddeyo nategeeza Palamenti nti mu ddiini gyasoma ekintu kyokka ekyolesebwa mu lwatu lye ssakalamentu wabula ensangi zino yewuunya okulaba abakyala nga kumpi bayita bukunya, amabeere gali bweru gaboolekezza obwangu gyoli gakugamba Katonda abeere naawe. Obuwale obwomunda babuyisa bweru nga n’abasajja mwobatwalidde abambala empale ezirimu ebituli mbu ‘damage’ ezonoonedde ddala obulamu bwabwe.