Abakulembeze ba Forum for Democratic Change abekiwayi kyo ku Katonga nga bakulembeddwamu Pulezidenti Erias Lukwago ne Hon. Ibrahim Ssemujju Nganda bavuddeyo ne bategeeza nti Hon. Nathan Nandala – Mafabi enaku zino ayogeza amaanyi agatagambika olwokuba yesiga eryaanyi Gavumenti lyemuwa nti naye bino ekiseera kijja kutuuka byonna bikome.

Omumyuuka wa Sipiika Thomas Tayebwa avuddeyo nasaba Gavumenti ya Uganda obutayisa kiragiro kiwaliriza bawala balina myaka 15 n’okudda waggulu kukozesa empeke ziziyiza kufuna mbuto nategeeza kino kyenkanankana n’okutongonza okwegatta awatali abakuba ku mukono.

Ababaka ku ludda oluwabula Gavumenti olunaku olwaleero bekandazze nebafuluma mu lutuula lwa Palamenti nga balaga obutali bumativu bwabwe olw’abantu abazze bawambibwa abebyokwerinda, okusiba abakulembeze wamu n’okubatyoboola. Bano bagamba nti bakooye okulaba nga bayisibwamu amaaso entakera.

Omubeezi wa Minisita ow’ebyobulamu Hon. Margaret Muhanga asambazze ebitambulira ku mikutu gy’amawulire nti Gavumenti yakkirizza abaana ab’emyaka 15 okukozesa empeke z’enteekateeka yezadde. Ono asinzidde mu Palamenti nagamba nti kino kyaleeteddwa nga kirowoozo okutaasa abawala abafuna embuto nga tebaneetuuka wabula tekyalangiriddwa era ssi nkola ya Gavumenti.

Eby’okwerinda binywezeddwa ku luguudo lwe Entebbe okwetangira ebiyinza okuddirira oluvannyuma lwa Bannakibiina kya National Unity Platform – NUP okulangirira nga bwebagenda okwaniriza Pulezidenti w’ekibiina kyaabwe Robert Kyagulanyi Ssentamu aka Bobi Wine. Uganda Police Force egenze esuula emisanvu mu bitundu eby’enjawulo okwekebejja ebidduka.

Pulezidenti w’ekibiina ki National Unity Platform NUP Robert Kyagulanyi Ssentamu Bobi Wine olubadde okutonnya ku kisaawe ky’Ennyonyi Entebe ab’ebyokwerinda ababadde mu ngoye ezabulijjo nebamukwatirawo nebamuteeka mu mmotoka zabawe era mukiseera kino ono ateereddwa mu mmotoka naggyibwawo.