Police akawungeezi ka leero eggye emisango ku eyali DPC wa Buyende Muhammad Kirumira oluvannyuma lwa omuwaabi wa Police Catherine Kusemererwa okutegeeza kkooti ya Police nti talina bujulizi bumala  buluma Kirumira ku misango ebiri ogw'okutulugunya wamu n'kukozesa amaanyi agasukkiridde.

Kusemererwa atageezezza kkooti nti Tumusiime Milton munnamawulire wa Red Pepper  yagaanye okuwa obujulizi ku Kirumira nti kubanga tabangako mu kafubo naye mwebamuvunaanira nti yavuba Ssaabapoliisi General Kale Kayihura era bw'atyo Ssentebe wa kkooti ya Police Dennis Odongopiny n'akkiriza Kusemererwa okuggyako Kirumura emisango nga tegiyinza kweyongerayo nga tewali bujulizi.

Wabula Kirumira ataddeyo okusaba kwe okw'okweyimirirwa olwaleero naye nebakugaana era nebamwongerayo ennaku nnya ku alimanda mu kkomera ly'abaserikale ku Railway Grounds mu Kampala nga bwebongera okwetegereza eneeyisa ye 

Abazadde mu Disitulikiti y'e Luweero banyiivu bya nsusso olw'ekitongole ky'ebigezo okulemera ebigezo by'abaana baabwe abawererera ddala 448.

Ekitongole ekivunaanyizibwa ky by'ebigezo mu ggwanga eggulo kyafulumizza ebyava mu bigezo bya S.4 ebya 2017 era nekitegeeza nti bwekikutte ebigezo by'abayizi 4525 nga bateeberezebwa okubikoppa ekyavumiriddwa ennyo Ssentebe w'ekitongole kino Kakensa Okwakol.

Mu Disitulikiti y'e Luweero, amasomero agaakoseddwa mwemuli; Mulusa Academy, Kakungulu High School, St. Peters Secondary School Bombo, St. Antonio Orthodox Monde, Shammah High School ne Makulubita Secondary School.  

Kkooti enkulu mu Kampala leero ezzeemu okuwulira omusango gw'obutemu oguvunaanibwa nannyini kibanda ky'emmotoka ekya Pine – Haji Muhammad Ssebuufu. 

Ssebuufu avunaanibwa omusango gw'okutulugunya omusuubuzi Donah Betty Katushabe n'amutta olw'okulemererwa ebbanja lya bukadde mwenda ezaali zaasigalayo ku mmotoka Katushabe gyeyagula ku Pine.  

Ku bbalaza ya ssabbiiti eno Ssebuufu ne banne omusanvu bwebavunaanibwa baaleetebwa mu kkooti mu maaso g'omulamuzi Flavia Ssenoga era nebeegaana emisango egibavunaanibwa wabula okuwuliriza omisango nekutagenda mu maaso olw'oludda oluwolereza ssebuufu okusabayo akadde bongere okwetegereza obujulizi. 

Abakulira eddwaliro lya Case Hospital mu Kampala bagamba nti bagenda kuwaayo eri Famire y' Omugenzi Mowzey Radio obukadde 29 ezaali zisasuddwa ku bujjanjabi mu ddwaliro lino.

Mowzey yaleetebwa mu ddwaliro lino ng'ali mu mbeera mbi okuva mu ddwaliro ly'e Nsambya  era n'ateekebwa mu kasenge k'abalwadde abali mu mbeera embi ddala wabula nga okusooka weetaagisaawo ssente okumujjanjaba era mu mbeera eno nga `kyetaagisa ssente nnyingi, Famire ya Radio yasaba okuyambibwako era bw'atyo Pulezidenti Museveni n'awaayo obukadde asatu obwa Yuganda ate ne Bryan White n'awaayo obukadde 25. 

Wabula baakawaayo ensimbi zino ate waayita nnaku bunaku Mowzey Mukama Katonda n'amujjulula mu bulamu bw'ensi eno . Ye Balaam omutegesi w'ebivvulu era abaddewo ennyo mu nsonga za Radio ategeezezza nti baali baakakozesaako obukadde 26 bwokka era ssente ezigenda okukomezebwawo zaakuweebwa Famire ya Mowzey zibayambeko.

Ekitongole ekivunaanyizibwa ku by'ebigezo mu ggwanga ekya Uganda National Examinations Board kifulumizza ebyava mu bigezo bya S. 4 eby'omwaka 2017 era nga abayizi ab'obulenzi bakoze bulungi okusinga abawala wabula nga essomo ly'olungereza n'ebya ssaayansi bikoleddwa bubi. 

Ssaabawandiisi w'ekitongole kino Daniel Odongo agambye nti abayizi abaatuula ebigezo bya 2017 baali bangiko okusinga abaatuula mu mwaka 2016.

Ebigezo bino bifulumiziddwa ku yafeesi ya Sssaabaminisita mu Kampala mu ttuntu lya leero era nga biraga nti abayizi 31338 bayitidde mu ddaala erisooka, 153665 bayitidde mu lyakubiri, 70797 bayitidde mu ddaala lyakusatu ate abayizi 131660 bayitidde mu ddaala lyakuna so ate 27955 bagwiridde ddala n'enkoona nezinywa. 

Odongo ategeezezza nti ekiviiriddeko abayizi okugwa Olungereza ne ssaayansi kwekuba nti basoma muwawa ate n'okukwata ebintu obukusu. 

Akakiiko ka Palamenti akavunaanyizibwa ku by'enjigiriza kagamba nti kagenda kuyita abakulira Minisitule y'ebyenjigiriza balabikeko eri akakiiko kano bannyonnyole lwaki bakkirizza amasomero g'obwannannyini okujeemera ekiragiro kya Gavumenti negongeza ebisale by'essomero ssaako n'okukana abazadde ebyetaago by'essomero ebingi

Kino kijjidde mu kiseera nga olunaku lwa jjo olusoma olusooka lwatandise mu butongole wabula amasomeo mangi gaajeemedde ekiragiro kya Minisitule eky'obutetantala kwongeza bisale bya ssomero.

Radio Simba bw'ebadde eyogerako ne amyuka ssentebe w'akakiiko k'ebyenjigiriza era nga ye mubaka mu Palamenti owa Palissa, Jacob Opolot ategeezezza nti baakuteeka aba Minisitule ku nninga bannyonnyole lwaki tebatadde kiragiro kyabwe mu nkola eri amasomero g'obwannannyini.

Police e Lugazi eri ku muyiggo gwa ddereeva wa mmotoka  atannategeerekeka mannya ge atomedde omukazi n'affirawo enkya ya leero bw'abadde ne bba ku pikipiki mu Mabira nga badda Kampala. 

Omusajja ye asimattuse amagombe wabula nga wetwogerera ali mu mbeera mbi mu ddwaliro e Kawolo gyeyaddusiddwa .  Kibi  ddala !!

Minisita avunaanyizibwa ku by'amasannyalaze n'ebyobugagga ebyomu ttaka , Eng Irene Muloni avuddemu omwasi ku bbeeyi y'amafuta okulinnya era bw'atyo n'aweereza Palamenti ekiwandiiko ekitongole ku nsonga eno nga era Sipiika bweyalagira 

Abantu abano abattiddwa babadde bakubwa bukubwa ngeri ya byuma era nga basangiddwa mu magombolola omuli ;  Myanzi, Bikers , Maanyi, Kikandwa ne ttawuni kkanso y'e Ssekanyonyi.

Omwogezi wa Police mu bitundu  bya Wamala, Nobert Ochom agamba nti abantu bano baabattira walala nebabaleeta okubasuula mu bitundu ebyo.

Ochom ayongerako nti abatemu bano  police enaatera okubagwa mu buufu wabula obutafaananako nga ebyali e Wakiso, abakazi abattiddwa tebasoose kusobezebwako .