Minisita w’Obuwangwa, Embiri n’Obulambuzi Owek. David Kyewalabye Male olwaleero okyaliddeko omukulembeze w’ennono e Bugerere Omulangira Namuyonjo Yuda Kayemba ku mbuga ye e Wabunyonyi mu Kayunga naasubiza nti Obwakabaka bwetegefu okukolagana naye okuzimba embuga eno okugiteeka ku mutindo oguweesa Obwakabaka ekitiibwa.
Owek. Kyewalabye ategeezezza nti Namuyonjo wa nkizo nnyo mu Ssaza lye Bugerere kubanga y’ayunga Abanyala ku bukelembeze bw’Obwakabaka. N’olw’ekyo okukyalira Namuyonjo ebadde emu ku nteekateeka z’Obwakabaka okumutongoza mu kifo kino oluvannyuma lwa Ssaabasajja okumusisinkana gyebuvuddeko n’alagira bagoberere emitendera n’amateeka okulaba ng’atuuzibwa ku lubiri lwe a Wabunyonyi.
Leave a Reply
You must be logged in to post a comment.