Oweek. Nakate asaasidde aba Buganda Royal Institute
Oweek. Choltilda Nakate Kikomeko akedde ku Buganda Royal Institute – Mengo okwongera okubasaasira n’okukubakugiza olw’okufiirwa abayizi mu kabenje akaaliwo ku lw’omukaaga ku luguudo lw’e Garuga.
Ssenkulu w’ettendekero, Oweek. Joseph Balikuddembe Ssenkusu amubuulidde ebyaliwo ku mbeera y’ekikangabwa kino ekyagwawo omwafiira abayizi abana n’ababiri okuvaawo n’ebisago. Era ategeezeza nti abasawo bagamba omu ku bali mu ddwaaliro akubye ku matu, okuggyako omulala akyali mu mbeera ey’okwetegereza ennyo.
Abayizi babiri baazikiddwa olunaku lw’eggulo ate abalala baziikibwa leero era abasomesa ne bayizi bannaabwe bagenze okubawerekerako wakati mu mbeera ekyali ey’ekiyongobero ku ttendekero.
