⚽ Omwogwezi w’Ekitongole ekitwala Ekibuga Kampala ekya Kampala Capital City Authority – KCCA avuddeyo ku mukutu gwa X nategeeza nti oluvannyuma lw’enkuba eyatonnye olunaku lweggulo amazzi neganjaala mu bifo ebimu nti wabula oluvannyuma lwokugoggola emyala n’ebifo mwegalina okuyita, amazzi gano gaweddewo mu bwangu ddala.
Ono era ayongerako nti waliwo ebifaananyi bya AI ebyabadde bisaasanyizibwa okuwubisa abantu wamu nokusajjula embeera. Ono akubirizza abantu okwewala okusaasanya amawulire agatali matuufu nti era bafube nnyo okweyambisa emikutu gy’ekitongole emitongole okufuna amawulire amatuufu.
KCCA akubiriza bannanyini bizimbe okufuba okussaawo enkola ennungamo ezokukungaanyamu kasasiro bewale okusuula mu bifo ebirina okuyitamu amazzi kuba bizibikira ebifo bino ekiviira amazzi okwanjaala.
🌐 Soma ebipya: https://www.radiosimba.ug
