Omukulembeze wa @National Unity Platform – NUP Hon. Kyagulanyi Ssentamu Robert aka Bobi Wine yavuddeyo neyewuunya omwogezi w’eggye lya UPDF Brig. Felix Kulayigye olwekyo kyeyayise okwekaza emisana ttuku nokunaabuuka ensongi naleeta obukodyo bwagamba nti bwakozesebwa dda nnyo okubukozesa kati okulimba Eggwanga.
Okwogera bino kyadiridde Brig. Kulayigye okuleeta Eric Mwesigwa eyavaayo nalumiriza abebyokwerinda okumutulugunya ate bweyazze n’omwogezi wa UPDF nakyuusa byeyayogera nga agamba nti NUP yamusuubiza obukadde 50 nebamwokya alumirize Gavumenti wabula zebatamusasudde.
Kyagulanyi agamba okuva Mwesigwa lweyalumiriza ab’ebyokwerinda okumutulugunya abadde alondoolwa nga bino ebituuseewo ye tabyewuunyizza.