Omwogezi wa Gavumenti alabula abantu obutamala gatambula mu nnaku enkulu.

Omwogezi wa Gavumenti era akulira ekitebe kya Gavumenti eky’essengejjero ly’amawulire Ofwono Opondo alabudde bannansi obutamala gatambulatambula mu biseera by’ennaku enkulu ez’okujukkira a mazuukira ga Yesu Kulisitu.

Opondo bino abyogedde asinziira ku mbeera y’obutali butebenkevu mu bitundu by’egwanga ebitali bimu. Abadde awa obubaka bwe obw’okujaguza amazuukira ga Yesu Kulisitu ng’asinziira mu ofiisi ya Pulezidenti mu Kampala.

Akinogaanya nti abantu balina okuba a beegendereza ennyo obulumbaganyi oba okugwa mu mitego gy’abakyamu.

Wabula agasseeko n’okukakasa nti Gavumenti tegenda kuta Besigye okutuusa nga enteekateeka ze ez’okutabangula eggwanga aziggyemu enta.