Omuliro gukutte essomero lya St. Jude Primary School Kakooge erisangibwa e Nakasongola negutta omwana Favol Etenal abadde asoma ekibiina ekisooka ye Matron Miriam Bihingirwe negumuleka ku kitanda.

Bihingirwe ozirika yabadde ataasa baana nga abafulumya ekisulo bwatyo naddusibwa ku ddwaliro St Franciscan Health Center IV. Poliisi egamba nti omuliro guno gwatandise ku ssaawa nga musanvu ogw’ekiro ku lw’okusatu. Guno gwakutte ekisulo ky’abaana abawala ekibadde kibeeramu abasoba mu 100 nga babiina okuva ku P.4 okutuuka ku P.7.

George William Kajura, District Education Officer, wa Disitulikiti y’e Nakasongola agambye nti omwana eyafudde kyavudde ku kuziyira matron bweyamwerabidde nga agenda okutaasa abaana abalala.

Abaana bagamba nti omuliro gwatandikidde ku ttaala y’amafuta negudda ku katimba k’ensiri, emifaliso oluvannyuma negwokya ekisulo era nga ekyaguleetedde okweyongera be baana okusamba ettaala nga badduka okwetaasa omuliro kuba amasanyalaze gaabadde gagenze.

Brother Viane Tongeirwe, Omukulu w’essomero agamba nti ebintu ebiwerako byasirikidde mu muliro era nga essomero lino lirimu abayizi 1130 era nga abayizi 200 bebali mu kisulo.