Entiisa ebuutikidde abatuuze b’okukyalo Ggamba ekisangibwa mu Gombolola y’e Nakisunga mu Disitulikiti y’e Mukono, abatuuze bwebagudde ku mulambo gw’omwana omuwala Nakavubu Praise Lugoloobi 6, eyabuzibwawo ng’ava ku ssomero.
Nakavubu yabuzibwawo ku lunaku olw’okusatu ng’ava ku ssomero lya Katente Church of Uganda era okuva olwo abatuuze n’abazadde babadde basamba nsiko nga bamuyigga.
Poliisi e Mukono evuddeyo netegeeza nti atandise okunoonyereza ku nfa y’omwana ono oluvannyuma lw’omulambo gwe okusangibwa nga gusuuliddwa mu kasaka.