Police mu Disitulikiti y’e Buyikwe etandise okunoonyereza ku ngeri Omuyizi mu ttenedekero lya Mbarara University erisomesa amasomo ga ssaayansi ne Tekinologiya ow’ekikugu, nga ono ye Shafik Mulondo ow’emyaka 21 gyeyafiiridde mu Ffaamu ya mukwano gwe ku nsonga ezitannaba kutegeerekeka.
Radio Simba mu kwongerako n’omwogezi wa Police mu bitundu bya Ssezibwa, Lameck Kigozi, n’atutegeeza nti Omuyizi ono ku lwomukaaga yagenda n’akyala ku Ffaamu ya munywanyi we Mw. Akisam Bob Byansi nga Ffaamu eno eri Ssi – Bukunja nti era babadde batera okugendayo nga baagala okulaba engeri gyakulaakulanyaamu ekitundu ekyo.
Wabula Police eri mu kunoonyereza oba nga ddala waliwo omuntu eyamusindise mu nnyanja eri ku Ffaamu eno oba nga yaguddemu mu butanwa. Kitalo.
Leave a Reply
You must be logged in to post a comment.