Abatuuze mu kabuga k'e Ngariam mu Disitulikiti y'e Katakwi baagala Gavumenti ebaliyirire olw'abajaasi b'eggye lya Yuganda erya UPDF okukuba amasasi omuyizi wa myaka 23 naafirawo bwebaabadde mu kikwekweto ky'okuwalwanyisa ababbi b'ente nga kino kyaliwo ku Sande ewedde.
Omugenzi abadde amanyiddwa nga George William Ojikan omuyizi mu ssomero lya Ngariam Seed Secondary School.
Peter Oduko aduumira Police mu Disitulikiti y'e Katakwi atutegeezezza nti omugenzi baamwefaanaanyirizza ng'omubbi w'ente kubanga baamugambye n'okweyogerako bamutegeere ate ye n'assaako kakokola tondeka nnyuma olwo nebamwokya essasi era alipoota ya Police eraga nti essasi lyamukutte ku mutwe n'afa olw'okuvaamu omusaayi omungi .