Omuyizi akubiddwa essasi erimutiddewo

Essomero lya Nyakitoko Secondary School ligaddwa oluvannyuma lw’omuyizi okukubwa essasi n’afiirawo ate omulala nalumizibwa byansusso Poliisi bweyabadde egezaako okukkakanya abayizi ababadde bataamye obugo.

District Police Commander wa Buhweju Boniface Kinyera, agamba nti omuyizi nga ye Innocent Natuhangana nga abadde asoma mu Senior Four ye yakubiddwa essasi eyamutiddewo Poliisi bweyabadde etaasa ebintu by’omukulu w’essomero Alex Tumuramye ebyabadde byononebwa abayizi nga bamulanga okulemererwa okutambuza esomero lyabwe.

Abasirikale ba Poliisi okuva ku Poliisi y’e Burere police post bazze mangu okukkakanya abayizi ababadde batandise okwonoona ebintu by’omukulu w’essomero.

Mukugezaako okugumbulula abayizi Natuhangana yakubiddwa essasi mumugongo erya mulumizza ennyo ate ye Felix Musimenta asoma ekibiina kya Senior Six yeyakubiddwa mu mukono.

Natuhangana yaddusiddwa mu ddwaliro lya Kampala International Hospital e Ishaka wabula nasindikibwa e Mulago mu Kampala wabula n’afiira mukubo.

DPC agamba nti abasirikale ababiri abakubye abayizi wamu n’omukuumi w’esomero Naboth Kansiime bwakwatiddwa era nga kati bali ku Poliisi.