Omuyizi akubiddwa ejjinja n’akalirawo – Mbale

Omuntu omu afiiriddewo mbulaga n’omulala n’addusibwa mu ddwaliro nga biwala ttaka oluvannyuma  lw’okukubwa ekiyinja ekinene ekiwamatuse waggulu mu lusozi.

Kkansala Mabonga Micheal atwala ggombolola y’e Wanale mu Disitulikiti y’e Mbale,  agamba nti omufu ye Kayinza Peace Sandra ow’emyaka 15 era ng’abadde asoma mu Hiltop Primary School erisangibwa e Wanale mu Mbale so nga afunye ebisago ye Mafabi Moses ow’emyaka 35 nga bano bombi babadde bava mu nnimiro nga badda waka .

Ayogerera Police mu bitundu bya Elgon,  Mansoor akakasizza bino era n’agamba nti kivudde ku namuttikwa w’enkuba afudemba aviiriddeko ejjinja okuwamatuka ku lusozi.