Omuwendo gw’abantu ababundabunda guyingidde obukadde 65
Omuwendo gw’abantu ababundabunda mu nsi yonna gweyongedde nga kati gutuuse ku bukadde 65 mu emitwalo nkaaga omwaka 2016 wegwaggwerako.
Bino bikakasiddwa ekitongole ekivunaanyizibwa ku babundabunda ekya United Nations Refugee Agency.
Okusinziira ku Mwogezi w’ekitongole kino William Spindler, agamba nti mu mwaka gwa 2016 gwokka abantu obukadde kkumi mu emitwalo asatu (10.300.000) bebaagenda mu kubundabunda. Bino webituukidde nga eggwanga lyattu Yuganda liteekateeka okutuuza olukiiko olugenda okuteesa ku nsonga z’ababundabunda na butya bwebasobola okuyambamu amawanga gano agabudamya abantu era nga lugenda kutuula nga ennaku z’omwezi 22 ne 23 omwezi guno ogwa Ssebaaseka omwaka guno mu Yuganda.
Era olukiiko luno lugendereddwamu okusonda ensimbi ez’okwongera okudduukirira eggwanga lyattu Yuganda erisinga okubaamu ababundabunda.
Sssaabaminisita Dr. Ruhakana Rugunda agamba nti Yuganda yeetaaga ensimbi olw’omuwendo gw’ababundabunda okweyongera buli olukya.
