Omusirikale wa Saracen eyatta omusuubuzi asindikiddwa e Luzira

Moses Angoria omusirikale n’ekitongole kyobwanannyini kya Saracen eyakubye omusuubuzi Arnold Ainebyona Mugisha esasi eryamutiddewo ku Quality Supermarket, e Naalya olunaku lw’eggulo yasimbiddwa mu maaso g’omulamuzi wa Kkooti y’e Kira mu Disitulikiti y’e Wakiso Joan Aciro wabula nga yalabise nga munafu nyo nga tasobola kuwozesebwa.
Angoria yagiddwa mu ddwaliro e Mulago gyabadde mu kujanjabwa oluvannyuma lw’okukubwa abantu ng’amaze okutta Arnold. Ono yaleeteddwa mu kkooti nga akwatiliddwa.
Wabula Angoria olwatuusiddwa mu kkooti yatandise okweyononera nga bwabuuza embuga wamu n’okwefukira bwatyo omulamuzi nalagira Poliisi emuzzeeyo afune obujanjabi.
Wabula oluvannyuma lw’essaawa eziwerako yakomezeddwawo mu Kkooti nga amaze okujanjabwa era nasomerwa omusango gw’okutta omuntu. Oludda oluwaabi lugamba nti nga 9 – July – 2019 Ongoria nga ali ku Quality Shopping Village e Naalya mu Divizoni y’e Namugongo mu Kira Municipality mu Disitulikiti y;e Wakiso n’ettima yasse Ainebyona ekimenya amateeka. Ono yatwaliddwa e Luzira okutuusa nga July 26.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

More Stories
General Aronda will be accorded state funeral – Prime Minister.