Omusirikale eyakuba Ssentebe Luzige wakusibwa emyezi 4

Kkooti y’eggye lya Uganda Peoples’ Defence Forces’ (UPDF) ey’ekibinja ekisooka eyakubiriziddwa Col. Sam Mugyenyi olunaku lw’eggulo yawozesezza abasirikale b’eggye ekkuumabyalo Local Defence Unit (LDU) 2 ku musango gwokukuba n’okulumya Ssentebe wa Disitulikiti y’e Mityana Joseph Luzige.
Kkooti yakendeezza ku kibonerezo kyeyabadde ewadde Lance Corporal Angulia Simon Peter oluvannyuma lw’okukizuula nti Mw. Luzige yali amuwayirizza nti yeyatandika okumukuba so nga Ssentebe yeyatandika n’okumusika ekitogi.
Aba LDU okuli Okello Isaac, ne Odeke Solomon bagiddwako emisango oluvannyuma lwa Kkooti okukizuula nti tewaliwo bujulizi bulaga nti bakuba Ssentebe okuva mu bajjulizi 4. Era kyazuuliddwa nti tewaliwo bukakafu nti Mw. Luzige yakubwa eriiso era nalumizibwa nnyo nga bweyagamba mu sitaatimenti oluvannyuma lw’omusawo Dr. Lubogo okwegaana okumujanjaba oluvannyuma lwebyaliwo.
Lance Corporal Angulia yakenderezeddwa ku kibonerezo naweebwa emyezi 4 agimale mukomera lya Gavumenti.