Omusinga azziddwayo e Luzira
Omusinga w’Obusinga bwa Rwenzururu Charles Wesley Mumbere azziddwayo mu kkomera e Luzira oluvannyuma lwa kkooti enkulu e Jinja okuwulira okusaba kwe okw’okweyimirirwa nga omulamuzi Eva Luswata awadde olwokuna nga lwagenda okuwa ensalaye ku kino.
Membere yasaba okweyimirirwa mu maaso g’omulamuzi Eva Luswata mu kkooti enkulu e Jinja. Membere avunaanibwa emisango egyenjawulo egyekuusa ku kulya mu nsi olukwe, obutemu, obubbi ng’akozesa amaanyi, obutujju n’emirala.
Omulamuzi awadde olunaku olwokuna lwa ssabbiiti eno nga 12 Gatonya nga lwagenda okuwa ensalaye obanga akkirizza Mumbere okweyimirirwa agire ng’alya butaala oba nedda.
