Omusinga agguddwako emisango emirala 12

Omusinga w’obusinga bwa Rwenzururu , Charles Wesley Mumbere enkya ya leero agguddwako emisango emirala okuva eri Gavumenti nga muno mulimu egyekuusa ku bikolwa eby’obutujju, okunyaga ebintu eby’enjawulo nga bakozesa emmundu , okugezaako okutirimbula abantu n’emirala .

Mumbere ssaabbiiti bbiri eziyise yaggulwako emisango gy’obutemu era n’asindikibwa ku Alimanda mu kkomera ly’e Kirinnya erya Gavumenti.

Omusinga leero aleeteddwa mu kkooti  e Jinja mu maaso g’omulamuzi Francis Kaggwa era naggulwako emisango emirala 12.

Bo abalala bwebavunaanibwa n’ Omusinga tebaleeteddwa oluvanyuma lw’omuwaabi wa Gavumenti Grace Ntege okutegeeza kkooti nti tebannakwatibwa era bakyalya butaala.

Wabula Omumbere bw’atuusiddwa mu maaso g’omulamuzi takkiriziddwa kwewozaako era n’amusindika ku Alimanda okutuusa nga 28 Ntenvu.