Omusawo w’ekinnansi akwatiddwa n’emmundu bbiri

Poliisi e Masaka ekutte omusawo w’ekinnansi n’emmundu bbiri nga azikwese mu nnyumba ye. Omwogezi wa Poliisi mu Maserengeta Lameck Kigozi yakakasiza nti Makumbi Moses omutuuze w’e Kayiji, e Mukungwe mu Masaka yakwatiddwa n’emmundu bbiri.

Kigambibwa nti ono alina n’okunnyonnyola ku musango gw’omwana ow’emyaka 2 Passy Mirembe eyasadakibwa omwaka oguwedde. Bazadde b’omwana ono Moses Kalangwa ne Immaculate Nakato badduka mu maka gaabwe olwe bigambibwa nti baali batiisitisibwa.

District Police Commander w’e Masaka Henry Kintu agamba nti emmundu ezakwatiddwa ne Makumbi azirinako license era nga azisasulira omusolo, wabula nga tezinamudizibwa Poliisi erina okusooka okunoonyereza ku ngeri gyazikozesaamu.

0 replies

Leave a Reply

Want to join the discussion?
Feel free to contribute!

Leave a Reply