Omusango oguvunaanibwa Bobi Wine n’abalala gwongezeddwayo okutuuka nga 3 December.

Omulamuzi w’eddaala erisooka Yusuf Ndiwalana alagidde bambega be Gulu ne Arua abali ku misango gya Bobi Wine ne banne 32 balabikeko mu maaso ga Kkooti bannyonyole ku bizibiti byebaggya ku bakwate okuli emotoka n’amasimu.

Bino byogeddwa oluvannyuma lwa Munnamateeka waabwe Asuman Basaalirwa okutegeeza kkooti nti amasimu gabavunaanibwa gakozesebwa aba SFC okukwata mikwano gyabwe nti era n’emotoka zaabwe ziri ku Poliisi ya CPS mu Arua zonooneka.

Omulamuzi Yusuf Ndiwalana ayongezaayo omusango guno okutuuka nga 3 – December oluvannyuma lwa Bannamateeka ba bawawabirwa okusaba ebbanga lya myezi 3 nga bagamba nti oludda oluwaabai lukoze okunoonyereza mukasoobo nnyo wamu n’olugendo oluwanvu abawawabirwa lwebalina okutambula n’ensimbi eziteekebwamu.

0 replies

Leave a Reply

Want to join the discussion?
Feel free to contribute!

Leave a Reply