Omusango kunoongosereza mu ssemateeka gusalwa leero
Kkooti ensukkulumu yakusala omusango gwennoongosereza mu Ssemateeka ku lwokuna lwa wiiki eno oluvannyuma lw’ennaku eziwerako okuyitawo ku naku zookugusaliramu, nga n’abamu babadde batandise okwemulugunya.
Kinajjukirwa nti Munnamateeka Male Mabiriizi n’abalala oluvannyuma lwensala y’e Mbale gyebatamatira bulungi beekubira enduulu mu kkooti ensukkulumu omwaka oguwedde kyokka kibadde kitutte akabanga nga kkooti tewa nsala yaayo ekibadde kitandise okweralaliikiriza abawaabi.
