Omusambi wa Mbarara City ayimiriziddwa emipiira 4

#SimbaSportsUpdates;
Akakiiko akakwasisa empisa aka FUFA Competitions Disciplinary Panel kayimirizza omusambi wa Mbarara City Fc Hillary Mukundane okumala empiira 4 nga tasamba.
Kigambibwa nti Mukundane yakozesa olulimi olutiisatiisa, ebinnyomoola, ebivvoola era ebirumya wamu n’ebikolwa ebyefujjo ku ba ‘match officials’ abaali mu mitambo gy’omupiira ogwali wakati wa Onduparaka FC ne Mbarara City nga 9.3.2021 ku Green light stadium Arua.
Akakiiko kagamba nti oluvannyuma lwa Hillary okukiriza omusango guno era n’okwetonda akakiiko kano akateekebwa kasazeewo kamuyimirize emipiira 4 egya Uganda Premier League embagirawo okuva nga 17.3.2021 era singa alemererwa okugoberera ekiragiro kino wakuwebwa ekibonerezo ekisingako.

Leave a Reply