Omusajja asazzeewo okwetta lwa gwabanja kugaana kumusasula
KANETTE ANTI AGAANYE OKUNSASULA:
Ebyentambula bisanyaladde ku luguudo lwa Kampala – Jinja oluvannyuma lwomusuubuzi ategeerekeseeko erya Ivan bwalinnye omuti omusizi mu kabuga k’e Mbikko nga ayagala aveeyo aggwe wansi lwakiri afe olwamusuubuzi munne gwabanja obukadde 130 okugaana okuzimusasula nga buli lwamutwala ku Poliisi bayisinganyiza mukubo.
Okusinziira ku Ivan agamba nti omusuubuzi gwabanja atanategeerekeka amututte ku Poliisi omuli ey’e Njeru ne Lugazi wabula tafunye buyambi.
Abasirikale ba Uganda Police Force, aba Uganda Red Cross Society wamu n’abantu ababulijjo bagezezzaako okumuwooyawooya akke wabula nga buteerere.
