Kkooti enkulu ey'ekinnamagye egaanye okuyimbula ku kakalu kaayo Omuserikale wa Police Nickson Agasirwe Karuhanga nga ono ye yali aduumira ekibinja kya Police ekyali kikola ku bikwekweto eby'enjawulo .
Nickson avunaanibwa emisango gy'okuba nti aliko Bannansi b'eggwanga erya Rwanda beyawamba era n'abawaliriza okudda okwa boobwe .
Kkooti eno nga etulako abantu musanvu abakulirwa Lt. General Andrew Guti egobye okusaba kwa Agasirwe okw'okweyimirirwa nga bagamba nti abantu baabadde aleese okumweyimirira babadde tebamatiza bulungi kkooti nti bwebanaamukkiriza okweyimirirwa ayinza okudda so nga ate n'eddaala ly'aliko erya Senior Supretendant alina n'obusobozi obutaataaganya okunoonyereza ku misango egimuvunaanibwa.