Omumyuuka wa Ssaabaminisita asooke era nga ye Minisita avunaanyizibwa ku nsonga z’omukago gw’Amawanga g’obuvanjuba Rt Hon Rebecca Alitwala Kadaga avudddeyo nasambajja engambo ezibadde zitambuzibwa nti muyi nnyo ate abalala nga bagamba nti yafudde nategeeza nti akyali mulamu tteke, era anoonya kalulu.
Kadaga okwogera bino yabadde atongoza enkola y’okunoonya akalulu nju ku nju mu kitundu gyabeera ekya Busobya, Mbulamuti Town Council, bwatyo nagumya abawagizi be ssaako naabo bakiikirira nti akyali mu lwokaano era mulamu bulungi.
Kadaga yategeezezza nga bwewaliwo abantu abasasulwa okuttattana erinnya lye era nga emirundi mingi bavuddeyo nebamubika wabula nabaswaza nga avuddeyo mulamu.
#ffemmwemmweffe
#UgandaDecides2026
Ekifaananyi kya: URN
