Omulamuzi wa Kkooti y’e Kawempe etuula e Kanyanya n’olunaku olwaleero agaanye Bannakibiina ki National Unity Platform okweyimirirwa ku kakalu ka Kkooti omulundi ogwokusatu yadde nga baweza dda enaku ezesalira ezirambikibwa Ssemateeka omuntu okuweebwa akakalu akobuwaze nga agamba nti bano banditaataganya okunoonyereza okunoonyereza wamu n’okutiisatiisa abajulizi b’oludda oluwaabi.
Bano kuliko omumyuuka w’omwogezi wa NUP @Alex Waisswa Mufumbiro, Edward Ssebuufu aka @Eddie Mutwe, Achileo Kivumbi, Saudha Madada n’abalala. Omulamuzi alagidde bazzibweyo mu kkomera e Luzira okutuusa nga 7 – January – 2025.
Oludda oluwaabi lugamba nti bano benyigira mu dduyiro owekinamaggye ngekirabo ky’amazaalibwa eri Pulezidenti w’Ekibiina Kyagulanyi Ssentamu Robert aka Bobi Wine nga 23-February-2025 ku kitebe ky’ekibiina.
Bya Christina Nabatanzi
#ffemmwemmweffe
