Omulamuzi wa Kkooti ya Mwanga 11 awadde beyiro omusajja eyagezaako okutuusa obulabe ku Bishop we Namirembe Rt. Rev Wilberforce Kityo Luwalira

Herbert Solomon Kaddu ategezezza Omulamuzi w’eddaala erisooka Julius Mwesigye nti okuva lweyasibwa awulira obulumi mumbiriizi ate nga yalabirira famile ye.

Kaddu aleese abamweyimirira bana okubadde Maama we Nalugo Annet Josephine, bakojja be babiri wamu ne mukwano ggwe.

Omulamuzi Mwesigye alagidde Kaddu okuwaayo emitwalo asatu egy’obuliwo ate abamweyimiridde nabasaba buli omu okusasula obukadde busatu obutali bwabuliwo era n’okufuba okulaba nti bamuzza mu kkooti nga 28 may.