Amyuka Ssaabalamuzi wa Kenya Philomena Mwilu akwatiddwa wamu ne munnamateeka Stanley Muluvi ku misango 13 egyekuusa ku kulya enguzi. Ono yakwatiddwa ku ssaawa munaana ez’emisana ku kkooti enkulu.
Director wa Public Prosecutions Noordin Haji agamba nti balina obujulizi obulumika Mwilu nga bweyakozesa obubi office ye wamu n’okufuna ensimbi mu lukujjukujju. Kigambibwa nti ono avunaanibwa okulemererwa okusasula emisolo n’emisango emirala.
Ono oluvannyuma ateereddwa ku kakalu ka Kkooti ka bukadde 5 obwa Kenya era nalagirwa okulabikako mu maaso g’omulamuzi ku lw’okusato ssaawa ssatu ez’okumakya wamu ne Stanley Muluvi.
Leave a Reply
You must be logged in to post a comment.