Omulamuzi Mary Babirye yasazeewo okugoba omusango ogubadde guvunaanibwa omuvubuka eyali yegumbulidde okusasaanya ssente mu Kampala Nasser Nduhukire aka Don Nasser 32. Omulamuzi yategeezezza nga bweyamugyeeko emisango egibadde gimuvunaanibwa nga agamba nti oludda oluwaabi lubuliddwa obujulizi obumala okumuluma era nga abadde amaze ebbanga eriwerako ng’asaba oludda oluwaabi okuleeta obujulizi naye nga tebabuleeta.
Era Omulamuzi yaligidde Poliisi okumuddiza ebintu bye byonna ebyali byaboyebwa.
Kinajjukirwa nti Don Nasser yakwatibwa Poliisi ku bigambibwanti aliko omusajja omumerika Johnhill gwe yafera ensimbi eziwerera ddala ddoola z’Amerika emitwalo nsanvu ($700,000) ng’era yali amaze akabanga nga amunoonya. Oluvannyuma Poliisi yamukwata ne banne okwali Hamuza Melema ne Gilbert Ssesaazi.
Omulamuzi agobye oguvunaanibwa Don Nasser
