Omulambo gwa Pte Sabiiti tujja kugubawa nga tumaze okunoonyereza
Aba Famire ya Pte Wilson Sabiiti bakyasobeddwa eka ne mu kibira nga n’okutuusa olwaleero UPDF ekyalemedde omulambo gw’omwana waabwe.
Aba Famire ku Kyalo Mubali, Kajura Town Council mu Disitulikiti y’e Kabarole bagamba nti tebalina kyebaali bafunye kuva eri Gavumenti ku ddi omulambo gw’omwana waabwe lwebanagufuna.
Oliver Musiimenta, mwannyina w’omugenzi agamba nti bakola dda enteekateeka z’okuziika muganda waabwe naye tebamanyi ddi lwebanamuziika.
Basalawo okuzimba entaana ye ku lwokutaano lwa wiiki ewedde era neggwa ku Sunday nti naye n’okutuusa olwaleero tewali kyebaali babagambye.
Omu ku bakulembeze mu Kitundu Eric Sanyu agamba nti entaana yabamalako emitwalo 62 nga zino bazekuŋŋaanyaamu nga abatuuze.
Wabula ye Omwogezi w’eggye lya UPDF UPDF Spokesperson Brig. Gen. Felix Kulayigye agamba nti omulambo gwa Sabiiti bakugusigaza okutuusa nga abakola kukunoonyereza babakirizza okuguwa Famire ye.
Yayongeddeko nti guno gukuumirwa mu Bombo Military Hospital era nti bakimanye nti guno si mulambo gwabulijjo nga bwebalowooza nga balina kulinda kumala kufuna lukusa okuva eri abakola kukunoonyereza.
