Omulambo gwa Hon. Birekeraawo gwakuleetebwa mu Palamenti enkya -MP Namayanja
Omubaka mu Palamenti owa Bukoto ey’ebuvanjuba mu Disitulikiti y’e Masaka, Florence Namayanja agamba nti ekibina ekya DP bamalirizza okwogereganya ne Sipiika wa Palamenti , Rebecca Alitwala Kadaga okulaba nga omulambo gwa Ssaabawandiisi w’ekibiina ekya DP ate nga yaliko omubaka mu Palamenti owa Bukoto ey’amaserengeta Mathias Nsubuga, guleetebwa mu Palamenti okukubwako eriiso evvannyuma.
Mu mboozi eyaakafubo gy’abaddemu ne Luboggola Simba, Namayanja agamba nti omulambo gwa Nsubuga gugenda kuleetebwa olunaku olw’enkya mu Palamenti ababaka bagwogereko n’oluvannyuma basabire omwoyo gw’omugenzi ku lwokusatu ku Lutikko e Lubaga . Byonna ebinaddirira tuli baakubikwongera .
