Julius Mugalula omukulu w’essomero lya Bukinda Primary School erisangibwa mu ggombolola y’ e Bukinda mu Disitulikiti y’ e Kabale ali mu katu olw’ebigambibwa nti yakkidde omuyizi we n’amukabasanya.
Mugalula aggyiddwa mu kitundu gy’abadde yeekukumye mu kibuga ky’ e Kabale nga yakwatiddwa olunaku olweggulo era n’aggalirwa mu kaduukulu ka Kabale Central Police Station.
Elly Mate omwogezi wa Police mu kitundu kino agamba entabwe yavudde ku Mugalula ku lwokutaano oluwedde okubanga yakkira omuyizi ow’emyaka 14 n’amutwala mu maka ge agasangibwa ku kyalo Nyaruhanga Cell ku ssaawa munaana ezoomuttuntu nebaggalira mu nnyumba okumala akaseera akawerako ekyaleetera abatuuze okwemulugunya era nebakuba enduulu eyaviirako Mugalula okuteekako kakokola tondeka nnyuma era bagenda okutwala omwana okutwala omwana ono ku police y’e Kyannamira n’akkiriza nti yali akabasanyiziddwa.
Bwatyo Mate n’ategeeza nti bwekinaakakasibwa nti Mugalula bino yabikoze, agenda kuggulwako omusango gw’okujjula ebitannaggya.
Leave a Reply
You must be logged in to post a comment.