Uganda Police Force mu Disitulikiti y’e Luweero ekutte era neggalira Richard Mukasa eyali omukulu we ssomero lya Gavumenti erya Wobulenzi Public Primary School erisangibwa e Wobulenzi oluvannyuma lwokukizuula nti yasinga ebyapa by’ettaka ly’essomero lino mu bbanka ya Equity nafunirako ensimbi obukadde100 mu mwaka gwa 2019 wabula nezimulemerera okusasula kyokka nga tewàli namulimu gwalga gwezaakola.
Mukasa kigambibwa nti yekobaana nabamu abali ku Lukiiko lwa PTA era nga okutuuka okukwatibwa kidiridde omubaka wa Pulezidenti mu Disitulikiti y’e Luweero Richard Byabwe Ntulume okufuna okwemulugunya okuva mu bazadde b’essomero lino nga bamulopera nga bwebabasasuza sente za loan ku bisale by’essomero buli ttaamu kyokka nga zanyagibwa omuntu omu.
Richard Mukasa ebbanja lino yalirya mu mwaka gwa 2019 nga ono yekobaana n’abamu ku bali ku lukiiko lwe ssomero lino okuli; Amos Kalema nga ono yali Ssentebe wa PTA, Hamis Kajjubi omuwanika , Godfrey Guyidde ne Moses Luzinda era nga bano bonna kati bakwate.