Omukazi asudde abaana be babiri – Kayunga

Police e Kayunga eri ku muyiggo gwa kuwenja mukazi agambibwa okuba nga yasudde abaanabe ku kyalo Nkokonjeru – Bulawula mu Gombolola y’e Kitimbwa ekisangibwa mu Disitulikiti y’e Kayunga.

Abaana bano muwala na mulenzi ng’omu wa mwaka gumu omulala wa myaka 2 . Omusasi waffe Kato Vincent eyo agamba nti Police eteebereza nti oba oli awo omukyala ono abadde takyasobola kulabiririra baana be kyavudde abasuula .

Police esazeewo kuddusa baana bano mu ddwaliro ly’e Kayunga  era abasawo nebabatuuma amannya nga ow’emyaka 2 abamutuumye Ssuubi Bob so nga ate ow’omwaka ogumu nebamutuuma Mukisa Livingstone