Omukazi asazeeko bbaawe ebisumulozzo by’amaka

Poliisi e Mukono ekutte Rehema Kabayana 24, lwokusalako omwagalwa we Ssekawa Anthony 28 ebitundu eby’ekyaama nga yebase nga akozesa akambe ka Inch 4. Rehema agamba yalabirizza Anthony nga yebase nalyoka amusala.
Anthony agamba nti yasisimuse nga awulira obulumi bungi era gyeyakubye amaaso nga omwagalwa we abagalidde omwambe omwogi olwo nebatandika okulwana kuba Rehema yabadde amaliridde n’okumusalako obulago.
Anthony yayambiddwa abomulirwano abamuwulidde ngalaajana olw’obulumi nebayita Poliisi. Rehema yategezezza Poliisi nti yakizudde nga bbaawe abadde alina abakazi abalala ku Brothel e Wanthoni e Mukon naye kwekusalawo amusaleko obusajja bonna bamufiirwe tulabe bwanaddamu okugenda nabo mu mabbaala. Ye Ssekawa yaddusiddwa mu ddwaliro e Namirembe gyali mukufunira obujanjabi.
Kigambibwa nti bano babadde n’obutakaanya okumala ebbanga era nga Rehema yali yamugaana okuddamu okwogera nabo, obakubira essimu, okuzikwata nga bamukubidde yadde okusekera omukyala omulala yenna Ssekawa kyeyagaana okugondera.