Omugagga w’amasomero ga St. Lawrence – Prof.Mukiibi afudde

Munnabyanjigiriza omututumufu mu ggwanga era omutandisi w’amasomero ga St. Lawrence, Colleges ne University Prof. Lawrence Mukiibi afudde enkya ya leero.

Prof. Mukiibi afiiridde mu Norvik Hospital ku Bombo road mu Kampala gyabadde okumalira ddala ebbanga lya ssabiiti ssatu nambirira oluvannyuma lw’okuweebwa ekitanda.

Lawrence Mukiibi gyebuvuddeko yagwa ku kabenje ku luguudo oluva e Kampala okudda e Masaka awo nga anaatera okutuuka ku limu ku masomero ge erisangibwa okuliraana ebitundu by’ e Buddo ku luguudo olwo.

Wabula bweyatwalibwako ebweru n’ajjanjabwa era n’akomawo kyokka ate obulwadde nebumutabukira era nga kaakano bumuserengesezza e Zzirakumwa. Kitalo !