omubaka zaake asindikiddwa ku alimanda mu kkomera e gulu

Omubaka akiikirira Mityana Municipality mu lukiiko olukulu olw’Eggwanga MP Zaake Francis Butebi asindikiddwa ku alimanda mu kkomera lya Gulu Central Prison e Gulu ku misango gy’okulya mu nsi ye olukwe. Omulamuzi omukulu Isaac Kintu yasindise Zaake ku alimanda okutuuka nga 14 – March lwanadda mu kkooti okusomerwa emisango egimuvunaanibwa.
Munnamateeka we Henry Komakech Kilama ategeezezza nti agenda kuwaayo okusaba kw’omuntu we okweyimirirwa ku Monday nga 25 – Feb – 2019.
Omubaka Zaake ayongeddwa ku balala 35 okuli n’omubaka wa Kyaddondo East Robert Kyagulanyi Ssentamu aka Bobi Wine wamu n’ababaka era n’abantu abalala.
Bano bavunaanibwa okukuba emotoka y’omukulembeze w’eggwanga Yoweri Kaguta Museveni nga 13 – August – 2018 mukunoonya akalulu ka Arua Municipality.

0 replies

Leave a Reply

Want to join the discussion?
Feel free to contribute!

Leave a Reply