Omubaka omukyala owa Disitulikiti y’e Kole Judith Alyek yafunye akabenje ekiro ekikeesezza olwaleero emotoka ye bwetomereganye n’endala neyefuula mu kisenyi ky’e Amii ekisangibwa e Ibuje ku luguudo lw’e Apac – Akololo mu Disitulikiti y’e Apac.
Omwogezi wa Poliisi mu tundutundu lya North Kyoga Josph ongom Mudong agamba nti akabenje kavudde ku ddeereva wa motoka nnamba UAE 966R eyabadde avugisa ekimama natomera emotoka ya MP Toyota Land cruiser nnamba UAY 907Y. Abalala abalumiziddwa y’e Ddeereva wa MP Bonny Olwoch wamu n’omukuumi we Douglas Abich.
Ono asoose kuddusibwa mu ddwaliro lya Nightingale Teaching Hospital oluvannyuma atikiddwa mu namunkanga nga aleetebwe e Kampala okufuna obujanjabi obusingawo.
Leave a Reply
You must be logged in to post a comment.