🎵 Omubaka Omukyala akiikirira Disitulikiti y’e Mityana era Minisita avunaanyizibwa ku nsonga z’ebyettaka, amayumba n’enkulaakulana y’ebibuga Judith Nabakooba Nalule avuddeyo nakubiriza Bassentebe b’ebyalo abakalondebwa okulondoola abantu abafuna edda ssente za Gavumenti ezokwekulaakulanya nga zaali zakkuzzaayo okulaba nti basasula amabanja agababangibwa ensimbi ezo zisobole okuweebwa abantu abalala. Ono bwabadde alondoola emirimu gya Gavumenti mu Mityana North akizudde nti mu nkola ya Youth Livelihood Fund (YLP) Programme abavubuka balemererwa okusasula ssente ezabaweebwa kati emyaka 13 egiyise. Ayongeddeko nti ebibiina 3 byokka kwebyo ebyemyooga 17 ebyaweebwa ssente obukadde 30 byebyasobodde okwongerwa obukadde 20. Ono agamba nti ekyenaku waliwo ebibiina ebyakazzaayo emitwalo 4 okuva 2020/21.
🌐 Soma ebipya: https://www.radiosimba.ug
