Eyaliko Minisita w’ebyosuubuzi era omubaka wa Mawokota North Munnakibiina kya National Resistance Movement – NRM Hon. @Amelia Ann Kyambadde agamba nti eyamuddira mu bigere Munnakibiina kya National Unity Platform Hon. Hilary Kiyaga aka Dr Hilderman yali akyali muto mu byobufuzi kuba asuuliridde nnyo ekyokukiikirira abantu be nga essira alitadde nnyo ku kisaawe kyokuyimba ne katemba byasinga okuteesaako mu Palamenti. Ono agamba nti ne ku mikolo gyeyandibuulidde abantu nti abakoledde kino asinga kubayimbira. Nabwekityo ono alangiridde nga bwakomawo okuvuganya mu 2026.
Ameria agamba nti n’ebigambo Omubaka byakozesa mu bantu bibatiisa abalonzi nti bbo baali bamanyidde bya muntu ajja nabayita “abantu bange abalungi” so ssi kukozesa lulimi lw’abavubuka.