Omubaka akiikirira Nakawa mu Lukiiko olukulu olw’eggwanga Michael Kabaziguruka agudde ku kabenje mmotoka mw’abadde atambulira bw’etomeraganye n’endala. Kabaziguruka nga munnakibiina kya Forum for Democratic Change akabenje akafunye ku makya ga leero era atwaliddwa mu Matugga Health Centre ku lw’e Bombo okufuna obujanjabi obusooka.
Akabenje akafunidde ku luguudo lw’e Bombo. Wabula agaavuddeyo gaategeezezza nti omubaka yabadde tali mu mbeera mbi era ng’abasawo babadde bamaze okutangira eky’omusaayi ogubadde gumuvaamu.