Uganda Police Force ekutte omuvuzi wa Booda Booda, Ivan Lukungu 25, ateeberezebwa okwenyigira mu bubbi bwa ssente eziwerera ddala obuwumbi 2 n’obukadde 200 nga zino zabbibwa mu maka g’omuwanika w’ekibiina kya National Resistance Movement – NRM, Barbara Nekesa Oundo e Muyenga mu December w’omwaka oguwedde ng’ennaku z’omwezi 15.
Ono yasangiddwa mu kibuga ky’e Masaka nga kigambibwa nti ku ssente zino abadde yeguzeeko emmotoka ekika kya Harrier “Kawundo”, ettaka, ennyumba, naggulawo ekirabo ky’emmere, saako okuwasaako omukyala n’amukolera ne bizinensi.