Olukiiko olukulembera abavubuka mu Kika ky’Omutima Omuyanja, lusisinkanye Katikkiro ne lumwanjulira enteekateeka zaabwe ez’okwekulaakulanya.
Ssalongo Kiwutta Robert Ssenkasi Kakeeto, Ssentebe w’abavubuka mu Kika ky’Omutima omuyanja, nga yakulembeddemu olukiiko luno, agambye nti ezimu ku nsonga ezireese ewa Katikkiro kuliko;
Okweyanjula nga abakulembeze b’Abavubuka mu Kika Katikkiro mwava, Okumusiima emyaka 10 nga akutte ddamula, Okuyunga olutindo wakati wabavubuka mu Bika bya Buganda ne Gavumenti ya Kabaka.
Mu bubaka bwe, Katikkiro abategeezezza nti,
>). Basaana okwenyigira mu nteekateeka z’Ekika mu myaka gyabwe egy’e kivubuka.
>). Batuule nga mu nkiiko z’ennyiriri, amasiga n’Ebika.
>). Beenyigire mu kusoma, babeere bayiiya, era beewale okwekubagiza.
>). Asabye abavubuka mu Buganda bakole emirimu nga beesimbu.
Abasiimye olwokwesowolayo okuweereza ekika Kyabwe.
Nga bazzukulu ba Namugera Kakeeto, abasabye bateeke amaanyi mu kuzimba ekizimbe ky’Ekika ku ttaka lye Mutundwe.