Omwogezi w’ekitongole ekivunaanyizibwa ku nguudo mu Ggwanga ekya Uganda National Roads Authority – UNRA Allan Ssempebwa avuddeyo nagumya Bannayuganda nti pulojekiti y’okukola oluguudo lwa Kyaliwajjala okuyita e Kira, Kasangati okutuuka e Matugga nga luweza kiromita 18 bwegenda mu maaso nti era kuno kuliko n’okukola oluguudo lwa Najjeera Buwaate Spur oluweza kiromita 5.
Ono era ategeezezza nti oluguudoi lwa Kira – Kyaliwajjala lwakuyisa nga emotoka bbiri bbiri ku buli ludda era nga wajja kubaawo olutindo e Kyaliwajjala okusobozesa enguudo ezivaako okudda e Naalya ne Namugongo wamu n’abantu abebigere, n’abobuggaali okubaako webayita, omuddo wamu n’amataala.