Okuwulira omusango oguvunaanibwa abantu 14 abateberezebwa okutta Abasiraamu gwongezeddwayo okutuuka nga 4 July

Okuwulira omusango kw’abateberezebwa okutta ba Sheik b’obusiraamu kkumi n’abana gwongezeddwayo okutuuka nga 4 July 2017 olwokuba nti Omulamuzi Wilson Kwesiga yetaaga obudde obumala okwetegereza obujulizi.

Kwesiga agamba nti yetaaga obudde bwa mwezi mulamba nga yetegereza fayiro z’omusango guno.

Omulamuzi Kwesiga yalondebwa omwezi oguwedde okukulembera mukuwuliriza omusango oguvunaanibwa Sheik Yunus Kamoga n’abalala ekkumi n’abasatu oluvannyuma lw’okuwumula kw’omulamuzi  Ezekiel Muhanguzi eyaweza emyaka 65.

Abalamuzi abalala abali ku musango guno kwekuli Percy Tuhaise ne Jane Kiggundu.