Okutuuza omulabirizi wa Central Buganda kwakumalawo obukadde 550

Enteekateeka z’okutuuza omulabirizi omulonde ow’obulabirizi bwa Central Buganda , Rev Canon Micheal Lubowa zitandise .

Rev Canon Micheal Lubowa , yalondebwa okubeera omulabirizi wa Central Buganda omuggya, mu Lukiiko lw’abalabirizi b’ekkanisa ya Yuganda olwatuula ku ttendekero lya Uganda Christian University e Mukono ng’ennalu z’omwezi 24 . 08 . 2016 , era nga waakutuuzibwa nga 29. 01 . 2017 ku lutikko ya Yokana Omutukuvu e Kasaka mu Gomba .

Avunaanyizibwa ku by’amawulire ku Lukiiko oluteesiteesi , omwami Nathan Kasozi ategeezezza nga enteekateeka bwezitandise era nga omukolo gwonna gusuubirwa okumalawo obukadde bw’ensimbi za Yuganda 550 .

Rev . Canon Micheal Lubowa yemulabirizi owokusatu owa Central Buganda era ng’agenda kudda mu bigere bya Bishop Jackson Matovu ateekateeka okuwummula, ono yadda mu bigere bya Bishop George Ssinabulya .